Дышетӥсь – дано уждур!

Куать арес. Зарни сӥзьыл.
Киосад сяська.
Салкым куазь. Пужмер возьвыл.
Сюлэмед жока.

Мынӥськод тон нырысьсэ
Школае туннэ.
Адзиськод дышетӥсьтэ,
Со уз вун таре.

Дышетӥсь тыныд усьтэ
Туж югыт сюрес.
Малпаськон йыре лыктэ:
«Со визьмо, шукрес».

Дас одӥг ар дышетэ,
Визьноддэ сэра
«Валамон-а, валамтэ?»
Тон ӝоггес вера.

Малпаськод, дыр: «Мон берло
Дышетско али».
Собере тон валалод:
«Мон бере кыли».

Дышетӥсь нош валэктоз:
«Ноку бер ӧвӧл».
Кур сое – со дышетоз
Но шуггес луоз.

Дышетӥсь котьку вала
Пинал мылкыдэз.
Пиналэз со яратса
Ортчытэ ужез.

Кинэн ваньзы ик тодмо
Пинал дырысен?
Кеськозы ваньзы одно:
- Со дышетӥсен.

Дышетӥсь луэ пӧртэм –
Я урод, я ӟеч.
Дышетскись но я азьтэм,
Я мусо луд кеч.

Но, дышетӥсь, котьку но
Валаны тыршы –
Тон огнад гинэ ӧвӧл,
Вань мукет быжзы.

Дышетӥсьёс туж уно,
Урокъёс но трос.
Пиналлы тросэз дуно,
Дышетэ рос-прос.

Уйыны вань предметэз
Туж секыт луоз.
Шедьтэ солэсь сюрессэ,
Усьтэлэ синзэ.

Мед дышетскоз предметсэ
Солы матысьсэ.
Дышетӥсь – дано уждур!
Тон визьмо эшмы.

Сӥзисько тыныд шудбур.
Тодам возёмы ми,
Кызьы дышетӥд сюлмысь
Котькуд пиналэз.

Яратӥд но будэтӥд
Тон адямиез.
Котьку мед луоз озьы –
Дышет яратса.

Будэ эшъёслэн визьзы
Тонэ кылзыса!

20 января 2010 года